Månadens bilde 16 april

Tema denna gongen var Skugge:

Månadens vinnar ser man konturen av og det er Harald Naper. Gratulerer med seieren.

Neste fotokveld blir 20.03.13 kl 18:30 på Vinjehuset.

Tema denna gongen er: Djubde.


Agenda:

1. Kåring av månadens bilde
2. Det vil vera anledning til å ta med andre bilder man har tatt og som man vil vise fram. Her har me satt ei tak på max 5 bilder per person.
3. Kamera bruk\tips
4. Fotokonkurranser
5. Laust og fast

Det vart snakka om at det hadde vore greit å laga ei mailliste for utsendelse/påminnelse før neste møte osv. Ber dei som ønsker det sende mail til meg på dyrland76@hotmail.com.

Det vart også snakka om at det hadde vore moro og møtest ute ein kveld. Det blei bestemt at me ser det litt ann og ventar litt på varmen og lyset:)

Håpar me ser fleire fotofjæs 20 mars:)

Fotokveld på Vinjehuset

13 feb hadde vi flytta oss over til Vinjehuset. Det møtte opp 9 håpefulle fotografar og dei fleste hadde med bilder til "Månadens bilde" med tema BEVEGELSE.

Det var Magnus Tjønn som stakk av med ein klar seier, med Harald Naper på 2 og 3 plass.

Magnus sitt bilde Grungedals skvadronen (der Svein Olav Lien var i farta opptil fleire gonger i følge Magnus). 
Gratulere med kulturstipendet frå Vinje kommune Magnus, såg du hadde stukke deg fram i TA her om dagen.

Helterennet 2 feb. 2013

Klubben stilte med 4 fotografar til årets Helterenn 2 feb. Eg vil takke dei som var med meg og gjorde ein kjempe jobb (Guro, Alex og Margit). Tilbakemeldingane vi har fått er veldig bra og med dei forhalda det var den dagen var det rett og slett bare moro:) Det blei lagt ut bilder på Helterennet.no, langrenn.com og det var sendt bilder til Rjukan Arbeiderblad.

Det er nesten så ein ser Amundsen og Nansen her. Eg kjenner hvertfall nasjonal følelsen varme godt om hjarta når eg ser slike bilde. Foto Torbjørn Dyrland

Sjavaste Veten

Ganske mange trossa kulda og møtte opp på fotokveld i kveld. Heile 9 foto folk med bilde på tema "Veten" stilte opp. Vinnaren blei Harald med Hyllandshei. Torbjørn sit bilde av Kongen på Haugen kom på andre plass med Magnus sitt bilde frå Vehuskjerringa på tredje plass.

Sidan detta æ ei frivillig gruppe utan noko form for styre osv ønsker Svein Olav og Guro at nokon andre kan vera med å ta litt ansvar for klubbens ve og vell. Magnus og Torbjørn heiv seg frampå og tok for seg av oppgåver:) Torbjørn vil ha ansvar for Facebook og Sjavaste bloggen. Magnus vil låse opp og koble utstyret osv.

Ellers snakka me om at Helterennet gjeng av stabelen den 2 februar og at me er hyra til å ta bilder. Torbjørn har ansvar for detta og han treng 4-5 foto folk. (Helst ein kjentmann med skuter og kamera). Er det nokon som er interessert i detta kan dei ringe Torbjørn på 93261670.

Frost

Det vart duka for ein ny kveld med fotorelatera diskusjon og tema for denne gong var frost. Solveig Loftsgarden stakk einstemmig av med sigeren med sitt bilete, gratulere!

Tema: Frost    Tittel: Isformasjon    Fotograf: Solveig Loftsgerden

Oppmøte var diverre litt labert denne kvelden med kun fem frammøtte inkl. meg sjølv, men me snakka  likevel litt om HDR og underteikna fortalte litt om kva størrelsen på ljoskjelda har å sei ved blitzbruk og "frys-effekten" ein blitz kan ha. Svein Olav H. hadde også nokre kloke ord om Metz sin blitz som såg ut til å vera veldig enkel i bruk og kosta rundt 1500Kr.

Neste fotoklubb: Tysdag 11. desember
Tema: Varme

Sesongpremiere: Jordnært

I kveld va det sesongpremiere på fotoklubben ette ein laaang sommarferie, og det va 12 fotofølk som ha fonne vegjen. To nykommerar va det te å mæ! Magnus gjorde ein super jobb som fotosjef, og passa igrunn veldig bra i sjefsstolen.

Alle hadde slite mæ temaet, jordnært... Men det kom mange spennans måtar å tolke det på: Alt frå teskjekjeringi i tyteberskogen te gjørmute støvlar, hestehov gøtt planta i bakken og open grav på kyrkjegarden.

Månadens bilete blei:

Tema: Jordnært. Tittel: Henningsvær. Foto: Rune Hana

Gratulere te Rune, artig at ein av nykommeran vann! På delt andreplass kom Harald mæ "Snart jord", og Guro mæ gjørmute støvlar. På tredjeplass kom Guro mæ bilde av eit jordnært liv i ei fjøllbygd i Peru.

Neste fotoklubb: Tysdag 13.nov

• Tema: FROST. 
• Fotosjef: Me stemmer fe Svein Olav V, med Magnus som backup. 
• Magnus lærer bort litt om blitzbruk, og tek med eksempelbilete. 

• Fotoklubben etter det blir tysdag 11.des. Set av begge datoane no : )
• Det blir ikkje noko utstilling i år. 

Gamle bilete frå Rauland

Gunn orienterte om prosjektet til Historielaget, som skal laga ei bok med gamle bilete frå stader (både gardar og landskap) i Rauland. Dei har alt samla inn eindel gamle bilete, og håpar at fotoklubben vil bidra med nye bilete frå same staden, teken frå same vinkel x antal år seinare.

Fint om alle som er interesserte i å bidra med bilete av plassane, tek kontakt med Gunn Gardsjord på gunganor@gmail.com, på tlf eller på neste fotoklubb.

Nytt liv

Månadens bilete: "Svolten!" Tema: Nytt liv. Foto: Mette S. Lehmann

Denne tysdagskvelden var det, til trass for strålande sol og ein uvanleg varm maikveld, heile 12 fotofolk som møtte opp for å kåre månadens bilete og sjå bileta til Harald Naper. Mange hadde med sine tolkingar av temaet. Her var det hoggorm, blåbærlyng, liv langs vegkanten og små fugleungar i hardvind på havet. Til slutt stakk Mette av med seieren med sitt bilete av ei mor som mata fugleungen sin. Gratulere! Ingrid og Harald dela andreplassen med hoggorm ut av dvale og ein frisk, ny blåbærblom.

Tema til neste gong: Jordnært. No tek fotoklubben sommarferie, og neste fotoklubb blir i august/september - dato kjem her på bloggen og på Facebook.

Rauland Historielag orienterte om eit komande bokprosjekt, som dei ønskjer å samarbeide med fotoklubben om: Bilete av gamle stader på Rauland - korleis det såg ut før, og korleis det ser ut no. Gunn Gardsjord tok på seg ansvaret som kontaktperson og organisator frå fotoklubben si side. Det var god stemning blant fotofolket for å bli med å bidra med nye bilete av gamle stader.

Sist, men ikkje minst, viste Harald Naper sine beste bilete. Dei lyste av humor, friske fargar, gode idear og artige historiar. Her var det mykje inspirasjon å hente. Tusen takk til Harald!

Vil du ha tips og inspirasjon til fotograferinga før neste fotoklubb? Prøv eit fotokurs! I sommar er det mange kurs på Rauland, les meir om fotokurs på Raulandsakademiet her.

God fotosommar!

Bli med på fotokurs på Rauland i sommar!

I sommar kan du velge mellom fleire spennande fotokurs på Raulandsakademiet:

• Naturfotografering 7/6 - 10/6 v/Kjell Bitustøyl
• Nybyrjarkurs, digital fotografering 16/7-19/7, same kurset går 19/7-22/7 v/Dagfinn Kristiansen 
• Påbyggingskurs, digital fotografering 23/7-26/7 v/Dagfinn Kristiansen

Her er det mykje inspirasjon og læring å ta med seg til neste fotoklubb! 

Skummelt

Månadens bilete: "Giftig nedbør" Tema: Skummelt. Foto: Harald Naper

I kveld var det 13 fotofolk som hadde møtt opp, og det var stor enighet om at skummelt var eit vanskeleg tema! Det var likevel mange som hadde gjort ein imponerans innsats, og motiva var alt frå isfengsel, skogstroll, fuglar i svart humør og til mannen med ljåen. Det var Harald som stakk av med sigeren denne gongen. Hakk i hæl kom Magnus, med eit tøft portrett av ein kompis. Guro havna på tredje plass med mannen med ljåen.

Neste fotoklubb blir tysdag 22.mai kl. 1830. Tema: Nytt liv.

God fotovår så lenge!

Fritt tema: Frost

"Frost". Fritt tema. Foto: Dag Haugland

I kveld var det 13 fotofolk som møtte opp i filmrommet på Rauland kunstforening, og like mange var med å konkurrerte om månadens bilete. To nye fotofolk dukka også opp! Det var jamnt i teten, men det var Dag som stakk av med seieren med sitt bilete av frost. Gratulere!

Slik såg pallen ut:

1. Frost. Foto: Dag Haugland

2. Leik. Foto: Britt Elin Ekre / Fiskarkona. Foto: Magnus Tjønn

3. Delt mellom 6 ulike bilete!

Neste fotoklubb blir tysdag 24.april. Tema: Skummelt

HDR-tips frå Magnus

Magnus har lest seg opp på HDR i det siste, og viste oss korleis han gjer det i praksis. Kort sagt: Still kameraet på bracketing, legg bilda dine inn i eit HDR-program som for eksempel Photomatix Pro, og vips: Du har eit bilete som dette. Tips nummer to frå Magnus: På Improve Photography finn du e-bøkar som er enkle & korte, og som han har brukt for å lære seg HDR. Det er også bøkar for nybyrjarar, om nattfotografi og fugle- og dyrefotografering her.

Bidra med foto til bok om gamle stader på Rauland?

Rauland Historielag har spurt oss om me er interesserte i å bidra med bilete til ei bok dei planlegg å laga i 2013, om gamle stader på Rauland. Tanken er at historielaget samlar inn gamle bilete, og at oppgåva vår blir å ta bilete av staden frå same vinkel som det gamle biletet er tatt. Dette er eit spennande prosjekt som kan vera moro å bli med på! Er det nokon av sjavaste fotofølki som vil ta ansvaret for å organisere dette? Me er avhengige av at nokon tek ansvar om me skal få det til : ) Tenk på det, og gje meg beskjed på guro_lien@hotmail.com innan neste fotoklubb (24.april) om du er interessert!

Fotograf som viser bilete på ein fotoklubb?

Torbjørn foreslo å få opp fotografen Kåre S.Pedersen, som Torbjørn kjenner, på ein fotoklubbkveld. Er du interessert i dette? Ta ein kikk på nettsida hans Bilde for Bilde, og gje ei tilbakemelding på neste fotoklubb om du syns me skal invitere han opp!

Vil du selge bileta dine?

Åse-Marie Kåsene frå Åmotsdal var innom fotoklubben i kveld. Ho har starta opp ei nettside der du kan laste opp og selge bileta dine. Om du sel eit bilete, tek ho provisjon. Ta ein kikk på www.selgdinebilder.no og ta kontakt med Åse-Marie på tlf. 95 82 59 97 eller solberg60@hotmail.no om du er interessert!

Månadens bilete: Ulv i labradorpels!

Månadens bilete. Tema: Svart-kvitt portrett. Foto: Magnus Tjønn

Gratulere te Magnus Tjønn mæ månadens bilæt! Svart-kvitt portrettet "Ulv i labradorpels" fekk flest likes/"tomlar upp" på sjavaste fotoklubben på Facebook! Britt Elin fekk ein god andreplass mæ eit fint sjavportrett, og kapra jammen tredjeplassen i sama slengen, mæ bilætet av ein søvnig liten kar. Grattis te båe to!

Stort oppmøte på lære bort-kveld

Svein Olav showar og forklarar : ) Foto: Guro Lien

Heile 17 fotofølk møtte opp for å lære grunnleggande kamerabruk og litt om raw og jpeg i det splitter nye multimediarommet på Vinjehuset i kveld. Svein Olav Hagen & Svein Olav Vaa hadde masse å lære bort, og det blei innføring i blendar, lukkar, iso, fokus, eksponseringskompensasjon og mykje anna. Det blei tid til at alle fekk hjelp til å finne og prøve dei ulike innstillingane på sitt kamera.

Det var mange som spurte om dei måtte bruke Lightroom for å behandle bilde i raw, men det er ikkje nødvendig. Sjekk dette blogginnlegget, så finn du mange tips til gratis og billige program til raw-redigering.

Me fekk berre tid til ein kort introduksjon om raw, jpeg og bildebehandling, og fann ut at me må fortseta med det mens det er ferskt. Neste fotoklubb blir difor tysdag 21.februar kl. 1830 i multimediarommet i 2.etasje på Vinjehuset. Last ned ein gratis prøveversjon av Lightroom eller eit anna program til redigering av raw-bilete slik at du har det på pc´n din når du kjem. Ta med kamera med manual og bærbar pc, så sjåast me for ein ny lærekveld!


Tips til fotolæring:

• Velge filformat for bileta dine: jpeg eller raw? Her finn du grunnar for å velge både det eine og det andre filformatet, og ei liste over gratis, billige og dyrare program til redigering av raw-filer: Jpeg vs raw

• Veldig lettlest, enkel og lite teknisk fotobok: Scott Kelby, boken om digital fotografering 1 og 2 Anbefalas! Slik beskriver Scott selv bøkenes briljante konsept: «Tenk deg at du og jeg er ute og fotograferer og du spør meg: «Hei, hvordan får jeg denne blomsten til å stå i fokus mot en uskarp bakgrunn?» Da ville jeg ikke stå der og holde en forelesning for deg om fotografering. I det virkelige liv ville jeg bare si: «Sett zoomobjektivet på kameraet ditt, sett blenderen til f/2,8, still skarpt på blomsten og fyr løs.» Det er dette disse bøkene handler om: Du og jeg er ute og fotograferer mens jeg svarer på spørsmålene dine, gir gode råd og deler fotohemmeligheter med deg slik jeg ville ha gjort det overfor en kamerat, uten enmasse tekniske forklaringer og fotofaglig babbel.»

• Lærerike faktaark, laga fe fotoklubben av sjavaste Svein Olav Hagen:

Slik virkar digital speilrefleks
Valg av kameramodus
Kva er bitdybde og raw-format?

HelteFoto

Laurdag 4.februar gjekk HelteRennet av stabelen på Rauland. Heile 1300 deltakarar trassa kulda, og i år som i fjor var Vinje fotoklubb på plass i løypene for å feste heltar i alle aldrar, folkeliv, vinnarar og frosne fjes til minnebrikka.Sjå alle bileta frå HelteRennet her: Flickr HelteRennet 2012 Foto: Torbjørn Dyrland, Alex Lehman, Silvia Furtwängler, Svein Olav Vaa og Guro Lien.

Torbjørn, Alex, Silvia, Svein Olav og Guro frå fotoklubben var på plass når startskotet gjekk, når heltane stoppa for ein slurk og ein matbit på drikkestasjonane, når barneheltane var i farta og når sjølvaste heltane kom i mål.

No kan du kjøpe bilete av deg sjølv om du var med på TelemarkHelten 4.februar! Prisen er 300 kr inkl. mva for eit bilete i full oppløysing. Oppgje startnr og namn på e-post til Svein Olav Vaa, sov@telefiber.no, om du er interessert, så sjekkar me om me har bilete av akkurat deg!

By night

Månadens bilete. Tema: Natt/kveldsfoto. Foto: Aslaug S. Loftsgarden

Denne kvelden var det fullt hus på filmrommet på Rauland kunstforening - heile 18 fotofolk møtte opp for å samlast om kvelds/nattfoto. Tre nykommarar var det også, det er moro!

Konkurransen om månadens bilete var hard - heile 14 fotofolk hadde med bidrag. Aslaug trakk det lengste strået med sitt stemningsfulle måneskogbilete. Pallplasseringa vart slik:

1. Måneskog, Aslaug

2. Bølgjande ljos, Solveig

3. Mathilda, Kjell

Gratulere til medaljevinnarane!

FOTOKLUBB

torsdag 9.februar kl.1830 på Vinjehuset - Lærekveld

Møterommet i 2.etasje på Vinjehuset er booka. Der er det trådlaust nett, prosjektor og lerret.

Lære bort-kveld

- Grunnleggande kamerabruk v/Svein Olav V., Kjell og Svein Olav H.

- Raw - når brukar ein raw og jpeg? Bildebehandling av raw-bilete i bla. Photoshop Lightroom v/Guro & Svein Olav V.

Ta med:

- Kamera

- Bærbar pc med ein prøveversjon av Lightroom eller eit anna program for raw-redigering innstallert. Du kan laste ned 1 mnd gratis prøveversjon av Lightroom her: https://www.adobe.com/cfusion/tdrc/index.cfm?product=photoshop_lightroom

Det er ikkje lov med medbrakt drikke/mat. Kan ordnast med kiosken v/Inger.

Tema: Svart-kvitt portrett.

Det blir ikkje vanleg kåring av månadens bilete denne kvelden, kåringa skjer på Facebook. Legg ut dine tre bidrag på Sjavaste fotoklubben på Facebook seinast 9.februar - det som får flest stemmer/likes av alle før søndag 12.februar, blir månadens bilete! Maks tre bilete per pers, og alle må vera tekne sidan sist fotoklubb.

Salsutstilling 26.nov - 31.des på Rauland kunstforening

No er fotoklubben si salsutstilling i andre etasje på Rauland kunstforening på plass. Temaet for årets utstilling er "Bygdi mi". Her finn du bilete av bygdefolk, landskap, fuglar og bygdedyr (?) og du kjem tett innpå både blomar og handverksarbeid. Her er det mange fine jolegåver!

Utstillinga er open i perioden 26.nov-31.des:

Torsdag ope etter avtale

Fredag 12.00-18.00

Laurdag 12.00-17.00

Sundag 12.00-17.00

27.-31. desember: ope kvar dag

Utstillarar:

• Harald Naper, pensjonist, 66 år
• Ingolf Endresen, fotograf, 40 år
• Svein Olav Vaa, taxisjåfør, 45 år
• Kjell Bitustøyl, freelancer, 58 år
• Halvor Person, vaktmester, 61 år
• Gunn Gardsjord, psykiater, 67 år
• Silvia Furtwängler, hundekøyrar, 50 år
• Janne Lofthus, turistvert, 25 år
• Øystein Løk, pensjonist, 72 år
• Magnus Tjønn, skiboms, 22 år
• Torbjørn Dyrland, seniorkonsulent, 35 år
• Alex Lehmann, assistent, 23 år
• Britt Elin Ekre, aktivitør, 31 år
• Svein Olav Hagen, ingeniør, 54 år
• Mette S. Lehmann, pensjonist, 62 år
• Jarl-Magnus Kikut Moen, turnuslege, 27 år
• Guro Lien, prosjektleiar, 29 år

Velkomen!

Sjavaste fotoklubben - Vinje fotoklubb

www.vinjefotoklubb.blogspot.com

www.raulandkunstforening.no

Bygdi mi

Det var ein god gjeng med gamle og nye fotofolk som hadde møtt opp denne onsdagskvelden for å kåre månadens bilete innanfor temaet "Bygdi mi", og ikkje minst for å planlegge utstillinga me skal ha på kunstforeninga mot slutten av 2011.

"Sjavaste Åmyrien" Tema: Bygdi mi. Foto: Svein Olav Vaa

Konkurransen om månadens bilete var skarp. Det kom inn mange bidrag som viste ulike sider av bygdi. Folk, landskap, gamle stabbur, morgonstemningar og "flyfoto" av grender. Svein Olav V trakk det lengste strået og fekk dei to øverste plassane på pallen. Han vann med portrett av folk frå bygdi- sjavaste Åmyrien og sjavaste Nordigarden. Det vart delt tredje plass mellom Øystein med "Fossen bryt utover" og Magnus med "Åbø Skyline". Gratulere!

Marcos tok ein gjennomgang av alt som gjeld utstillinga. Fristen for å melde seg på som utstillar, gjekk ut på fotoklubben 12.oktober. Til sammen er det rundt 10 fotofolk som skal stille ut, med maks fem bilete kvar. Fristen for å ha på plass ferdig innramma bilete er neste fotoklubb, som er 9.november. Meir om utstillinga finn du lenger ned på denne sida.

Neste fotoklubb blir eit reint utstillingsmøte, og me valte difor ikkje noko tema til då.

Bestilling av lerret og forstørringar til utstilling

På sist fotoklubb kom det fram mange gode forslag te hørr ein kan bestille lerret, forstørrelsar og ordne med rammer te bilæti som skø stillast ut på sjavaste fotoutstillingi på Rauland kunstforening. Her kjæm ei liti liste ivi tilbyderar, inkludert nokon kommentarar som kom på fotoklubben sist:

• Japan Photo XXL (lerret, forstørrelsar) - nokon hadde erfaringar med litt dårleg kvalitet på lerret, litt dårleg oppspent og lang leveringstid osv, andre var veldig fornøgde med dei.
• Foto Knudsen (lerret, forstørrelsar) - god kvalitet på lerret, tykkare rammer enn Japan Photo, men nokon hadde erfart lang leveringstid hos dei.
• Print 123 (lerret, forstørrelsar) - billig og bra, leverer i uvanlege format som for eksempel panorama, men litt varierande kundeservice.
• Fleger (lerret, forstørrelsar) - fotograf i Tinn
• Ingolf Endresen (forstørrelsar) - Ingolf er fotograf, bur på Rauland og kan ordne med forstørrelsar på fotopapir av høg kvalitet - men ta kontakt i god tid, slik at han får tid til å bestille blekk/papir.
• Fotoimport (lerret, forstørrelsar) - svært god kvalitet, men pris deretter.
• Friberg Rammeverkstad (innramming) - rammeverkstad på Rauland
• Skålebygdi Rammeverkstad (innramming) - rammeverkstad mellom Åmot og Dalen, gode på innramming, rimelege.
• IKEA (rammer) - enkle og billige rammer
• Og mange fleire... Med andre ord; du kan få forstørringar og lerret i alle slags kvalitetar og prisklasser, lokalt eller i nettbutikk - det er opp til deg : )

Kvar enkelt har ansvar for å bestille forstørringar, foto på lerret og innramming i tide - hugs at du ofte må vente eit par veker frå du bestiller!

Vil du stille ut bileta dine? Då bør du lese dette!

Hei alle

Da har jeg og Britt Elin hatt et litet møte angående fotoutstillingen som skal være på Rauland kunstforening 27.november - 31.desember. Vi skal ha et nytt møte med Sondov til uka der vi skal avklare en del detaljer.
Men vi ble enige om følgende:

1) De fotografer som ønsker å stille ut bilder må melde seg før neste klubbmøte (vi tar en oppsummering av fotografer under dette møte). "Påmelding" gjøres til meg på facebook eller mail: marcos@marcos.no eller telefon: 48211067

2) Bilder som skal stilles ut må være ferdig på ramme (lerret etc) til fotoklubbmøte i midten av november. Dato avtales senere

3) Vi kjører svarte rammer på de bildene som skal rammes inn

4) Vi lager plakat til utstillingen, og bilde som brukes velges ut blandt de bildene som vises til neste klubbmøte (12 oktober)

Fotohilsen

Marcos Porcires og Britt Elin

Ein kveld med mange gode historiar

Denne onsdagskvelden var det mange gode historiar å høyre i filmrommet til kunstforeninga, og nesten alle dei 11 oppmøtte hadde med seg tre bilete som saman fortel ei historie. Fuglepåkøyrsel som nesten såg ut som kunst, sneglar som rappelerte eller som ropa veeeent, ein liten baby sine små gleder, bryllup, fuglar på jakt og unge fotografar på kurs var berre nokon av historiane som blei illustrerte med gode bilete.

Den som stakk av med flest stemmer, var Magnus. Som vanleg er han ein racer på titlar, og denne gongen var ikkje noko unntak. Berre sjå på desse tre bileta som fortel ein historie - som Magnus har kalla "klisjétrip med bismak".

1. Bomskot. Foto: Magnus Tjønn

2. Skitfiske. Foto: Magnus Tjønn

3. Vegetar. Foto: Magnus Tjønn

Gunn stakk av med andreplassen med ein litt blodig, kunstnerisk fuglepåkøyrsel og Veronika kom på tredje med svart-kvitt bilete av ivrige deltakarar på fotokurs.

No nærmar utstillinga seg, og utstillingskomiteen skal i gang med å planlegge den. Oppdateringar kjem på bloggen så snart dei har meir informasjon.

Neste fotoklubb blir onsdag 12.oktober kl.1830 på Rauland Kunstforening. Temaet er bygdi mi, eller Sjavaste bygdi. Fram til då er det lurt å finne ut om du vil bli med på utstillinga, og kva slags bilete du i tilfelle vil ha med. Ta med 15-20 utstillingsaktuelle bilete neste gong, så får du hjelp av oss andre til å velge ut dei beste innanfor temaet Sjavaste bygdi/bygdi mi. Lykke til!